Клиниката за гастроентерохепатологија со гордост објавува дека медицинската сестра Благица Тимосиевска, која долги години е дел од тимот на оваа клиника е добитник на признание за најхумана медицинска сестра, кое се доделува во рамките на одбележувањето на Неделата на медицинските сестри.

Признанието беше доделено на свечен настанот на кој присуствуваа директорката на Клиниката, проф. д-р Калина Гривчева Старделова, главната медицинска сестра Рената Младеновска како и други медицински сестри вработени на оваа клиника.

Клиниката за гастроентерохепатологија упатува честитки за добиеното признание до медицинската сестра Благица Тимосиевска, како и благодарност до целиот тим на медицински сестри кои професионално, одговорно и пожртвувано секојдневно ги извршуваат своите работни задачи.

Медицинската сестра Виолета Андоновиќ го завршува својот работен век и после долги години голем и активен придонес во работењето на Клиниката за гастроентерохепатологија заминува во пензија.  По тој повод во кругот на Клиниката беше организирана и пригодна свеченост за вработените на која официјално беше одбележан овој настан.

Медицинската сестра Андоновиќ на Клиниката за гастроентерохепатологија помина голем дел од својот работен век, каде секојдневно даваше особен придонес во лекувањето и грижата за пациентите, вклучена и во најсложените процедури и интервенции. Посебен аспект од нејзиниот ангажманот имаше едукацијата на младиот средно-медицински кадар кој се наоѓа на почетокот на својата кариера. Андоновиќ е пример за посветен работник кој со голема љубов ги извршувал своите работни обврски, пациентите ќе ја паметат по срдечниот однос, а колегите како вистински професионалец и пријател.

Директорот на Клиниката за гастроентерохепатологија, проф. д-р Калина Гривчева Старделова заедно со колегите Стефан Пејковски, Ѓорѓи Јаневски, Филип Николов, Миа Русоманова, Анче Волкановска и Грегор Крстевски и економскиот директор Мухамед Алиу учествуваа во крводарителската акција која ја организираше Министерството за здравство и Институтот за трансфузиона медицина, по повод одбележување на Светскиот ден на здравјето – 7 Април во просториите на Чифте Амам, во Стара чаршија.

Оваа година Светски ден на здравјето, 7-ми април 2022 година се одбележува под мотото „Наша планета, наше здравје“, со цел да се потенцира важноста на здравата животната средина,  односно чистиот воздух, вода и храна за колективното здравје.

Најголемите проблеми во светот се лошото здравје и прераната смрт предизвикана од биолошки агенси во човековата средина во водата, храната, воздухот и почвата. Тие придонесуваат за прерана смрт на милиони луѓе, главно доенчиња и деца, како и за лошо здравје или инвалидитет на уште стотици милиони.